2021 жылғы 15 желтоқсанда, қалалық ЖИТС орталығының мәжіліс залында Қазақстан Республикасы Тәуелсіздігінің 30 жылдығына арналған ұжымның салтанатты жиналысы өтті. Салтанатты жиналыс Қазақстан Республикасының Мемлекеттік Әнұранын орындаумен ашылды. «Қазақстан Республикасының Тәуелсіздігіне 30 жыл» тақырыбында баяндама оқылды. ЖИТС орталығының директоры С. Абдраимов қызметкерлерді Қазақстан Республикасының Тәуелсіздік мерекесімен құттықтап, «Қазақстан Республикасының Тәуелсіздігіне 30 жыл» мерекелік медальдарын, сондай-ақ Қазақстан Республикасы Денсаулық сақтау министрлігінің, Нұр-Сұлтан қаласы әкімдігінің, Нұр-Сұлтан қаласы Қоғамдық денсаулық сақтау басқармасының грамоталарын тапсырды.
