2020 жылғы 14-21 қыркүйек аралығында «Отбасы - бақыт мекені» республикалық апталығы шеңберінде ЖИТС орталығының мамандары «Видергебурт» немістер қоғамы, «SOS балалар ауылы» қоғамдық ұйымдарында және Нұр-Сұлтан қаласының «Техникалық колледжі» МКҚК іс-шаралар өткізді.

Іс-шара барысында дәрігер Бексұлтанова Д. және педагог Турымова А. «SOS балалар ауылы» қоғамдық ұйымының үйлестірушілерімен бірлесіп 9-10 сынып оқушылары үшін «Менің отбасым, құрмет – берік отбасының негізі» презентациясын ұсынды, «Видергебурт» немістер қоғамының үйлестірушілерімен 7-9 сынып оқушылары үшін «Отбасылық құндылықтар, талант және шығармашылық» тақырыбында қолданбалы өнер бойынша мастер-класс ұйымдастырды, ал ата-аналар үшін оқушылармен бірлесіп «Ұрпақтар сабақтастығы» тақырыбында кездесу өткізді, Техникалық колледждің 1 курс студенттері үшін онлайн форматта «Адалдық-берік отбасылық қатынастардың негізі» тренингі өтті. Барлығы 32 оқушы мен 11 ата-аналар қамтылды.