2025 жылғы 20 қарашада № 97 гимназия оқушылары үшін Астана қаласы АИТВинфекциясының алдын алу орталығының қызметкері Дүниежүзілік ЖИТС-пен күрес күніне арналған науқан аясында дәріс өткізді.
Іс-шараның мақсаты-жасөспірімдердің АИТВ туралы хабардарлығын арттыру, таралған мифтерді жоққа шығару және өз денсаулығына жауапкершілікпен қарауды қалыптастыру. Қалалық АИТВинфекциясы орталығының дәрігер-эпидемиологы вирустың таралу жолдары, алдын алу әдістері, сондай-ақ тұрақты тестілеудің маңыздылығы туралы қолжетімді және ашық түрде айтып берді.
«Бүгінде АИТВ-бұл үкім емес, қазіргі антиретровирустық терапия адамдарға толыққанды және белсенді өмір сүруге мүмкіндік береді, алайда, ең бастысы - білім мен алдын алу, әсіресе жастар арасында», - деп атап өтті маман.
Кездесу соңында оқушыларға ақпараттық-білім беру материалдарытаратылды.
