2024 жылғы 19 сәуірде Астана қаласының АИТВ-инфекциясының алдын алу орталығында зертханаға дейінгі кезеңде АИТВ-инфекциясын диагностикалау сапасы мәселелері бойынша медицина қызметкерлері үшін семинар өтті.
Мамандардың пікірінше, пациенттің зертханалық талдаулары нәтижелерінің сапасын қамтамасыз ету-бұл пациентке сапалы медициналық көмек көрсетудің, оның ішінде зерттеуге өтінім жасаудың, биоматериал алудың, тасымалдаудың, зерттеу жүргізудің, сондай-ақ нәтижелерді алудың және пайдаланудың бірыңғай процесі.
Диагностикалық зертхана меңгерушісі С. Б. Айтмағамбетова өз сөзінде бұл процестің сапасы дәрігерлердің, орта медициналық персоналдың және зертхана мамандарының бірлескен күш-жігерімен қамтамасыз етілуі тиіс екенін атап өтті, себебі тікелей зертханада өтетін зерттеудің аналитикалық бөлігінің дәлдігі медициналық ұйымдардың деңгейінде жүргізілетін аналитикаға дейінгі кезеңге байланысты.
Эпидемиологиялық бөлім меңгерушісі И.Б.Аймағамбетова қатысушыларға медициналық ұйымдардың жіберген қателіктері, олардың АИТВ-инфекциясын диагностикалау процесіне әсері туралы айтып берді, сондай-ақ бірінші және растайтын кезеңдерден тұратын екі кезеңдік зерттеу жүйесі бір ғана үлгіні талдауға негізделгенін атап өтті.
Айта кету керек, Астана қаласының АИТВ-инфекциясының алдын алу орталығының зертханасы халықаралық және ұлттық деңгейде Сапаны сыртқы бағалау жүйесіне тұрақты негізде қатысады, және күніне орта есеппен АИТВ-ға 1500-ге дейін зерттеу жүргізеді.
