2025 жылғы 5 қыркүйекте Астана қаласында, № 113 жайлы мектепте елорда тұрғындарымен «Ауқымды ата-аналар жиналысы-2025» атты кездесу өтті. Іс-шара 8-11 сынып оқушыларының 400-ге жуық ата-аналарын жинады. Кездесудің негізгі мақсаты-балалар мен жасөспірімдердің денсаулығын сақтау, нашақорлық пен АИТВ-инфекциясының алдын алу мәселелері бойынша ата-аналарды ақпараттандыру. Іс-шараның ұйымдастырушылары Астана қаласы«Сарайшық» ауданының Прокуратурасы, ҚР ІІМ, қоғамдық ұйымдар, Білім басқармасы және Қоғамдық денсаулық сақтау басқармасы болып табылады.
Іс-шара спикері, ҚР ІІМ есірткі қылмысына қарсы іс-қимыл жөніндегі басқармасының басшы орынбасары, полиция полковнигі С.С. Ильиных есірткі қолданудың теріс салдарына, жасөспірімдер арасында есірткі қылмысының алдын алуға және оған қарсы іс-қимылға тоқталды.
АИТВ-инфекциясының алдын алу бойынша Астана қаласының АИТВ-инфекциясының алдын алу орталығының директоры К.К.Асқаров және психотерапевт А.К.Ережеп сөз сөйледі. К.Асқаров өз сөзінде атап өткендей, жасөспірім кезінде балалар құрдастары мен әлеуметтік желілердің ықпалына әсіресе осал, сондықтан есірткінің зияны мен салдары, ерте жастағы жыныстық қатынастан пайда болатын аурулар және АИТВ-ның алдын алу шаралары туралы ақпаратты уақтылы жеткізу маңызды. «АИТВ-ның қалай берілетіні және жұқтыру қаупін қалай азайтуға болатыны туралы ақпаратқа ие болу АИТВ-ның алдын алу тұрғысынан маңызды ғана емес, сонымен қатар ересек өмірде денсаулыққа жауапты көзқарасты қалыптастыруға ықпал етеді», - деді ол ата-аналар алдында сөйлеген сөзінде.
Барлық ата-аналарға белсенді қатысқаны және қызығушылық танытқаны үшін алғыс айтамыз.
📍 Астана қаласының АИТВ-инфекциясының алдын алу орталығы
☎Сенім телефондары: 38-04-64, 38-07-02
🌐 www.kazaids.kz
