Осындай кездесулердің бірі 26 қарашада «Алтын арай» Жастар денсаулық орталығы және № 2 қалалық емхананың СӨС бөлімімен ұйымдастыруымен Ғали Орманов атындағы №7 мектеп-гимназиясында өткізілді. Іс-шараға 140 ден астам ұлдар мен қыздар жиналды. Медицина қызметкерлері АИТВ жұқтыру жолдары мен қорғау шаралары туралы айтып берді.

   Талқылау денсаулық, салауатты өмір салтын ұстанудың артықшылықтары және жеке жауапкершілікті арттыру мәселелеріне бағытталған. АИТВ-ға тестілеу тақырыбы үлкен қызығушылық тудырды. Дәрігерлер тестті тіркелген жері бойынша емханада немесе АИТВ орталығында тегін және құпия түрде тапсыруға болатындығын атап өтті.

   Сондай-ақ, қатысушыларға тұрақты тексерулердің маңыздылығы туралы ескертілді, әсіресе егер адам қауіпті байланыста болса немесе денсаулығының жағдайына көз жеткізгісі келсе. Мамандар ерте өткізілген диагностика қажетті көмекті уақтылы алуға мүмкіндік беретінін атап өтті.

  Сонымен қатар, дәрігерлер АИТВ-ны емдеудің заманауи тәсілдері туралы айтып, антиретровирустық терапияның арқасында АИТВ-мен өмір сүретін адамдар толыққанды және белсенді өмір сүре алатынын атап өтті.

  Іс-шара соңында қатысушыларға ақпараттық буклеттер таратылды.