Л. Н. Гумилев атындағы Еуразия ұлттық университетінің студенттері АИТВ-ның алдын алу туралы өзекті ақпарат алып, экспресс-тестілеуден өтті.
Дәрігерлер АИТВ-ның тұрмыстық жолмен берілмейтінін, ал инфекцияның ең көп тараған жолы қорғалмаған жыныстық қатынас болып қала беретінін атап өтті. Тұрақты тестілеудің маңыздылығына ерекше назар аударылды.
Сондай-ақ студенттерге алдын алудың заманауи әдістері, соның ішінде жұқтыру қаупін едәуір төмендететін ДКП-байланысқа дейінгі профилактика туралы айтылды. Сарапшылар оның кімге ұсынылатынын және оны қалай алуға болатынын түсіндірді.
Дәріс соңында қатысушыларға ақпараттық буклеттер таратылды. Іс-шара барлығы 55 студентті қамтыды, оның 20-сы экспресс-тестілеуден өтті.
