2014 жылдың 11 желтоқсанда Дүниежүзілік ЖИТС-пен күресу кампаниясының шеңберінде К.Қуанышбаев атындағы Қазақ Драма театрында «Көлеңкесіз жолаушы» атты спектакль болып өтті.
Спектакль алдында ұйымдастыру-әдістемелік бөлімі меңгерушісі Момынбеков Е.Т., сөз сөйлеп көрермендерді Астана қаласындағы АИТВ/ЖИТС сұрақтары бойынша эпидемиологиялық жағдаймен таныстырды. Көрермендер қатарында №1 лицей және №48 мектептің 9 - 11 сынып оқушылары, Қ. Мүнайтпасов атындағы колледж және политехникалық колледждің 1-2 курс студенттері. Спектакльдің идеясы – қазіргі заман жастарын салауаттық өмір салтын ұстануға шақыру. Әр қайсысы, ішімдіктің және есірткі қолданудың соңы неге апаратынын есіне сақтасын. Барлық қатысушыларға АИТВ алдын ауға арналған ақпараттық-оқу құралдары таратылды.
