2022 жылғы 23 қарашада елорда тұрғындары мен қонақтары үшін «Хан Шатыр» СОСО-да АИТВ-инфекциясының алдын алу орталығының мамандары санитарлық-эпидемиологиялық талаптардың барлық нормаларын сақтай отырып, АИТВ-инфекциясына жедел тестілеу бойынша акция өткізді. Бұл акция Дүниежүзілік ЖИТС-пен күрес күніне орайластырылған.
Кез-келген адам құпия және ақысыз тексеруден өтіп, мамандардан кеңес ала алады. «Біздің «Өз мәртебеңді біл!» акциясы АИТВ-ны уақтылы анықтау үшін ғана емес, сонымен қатар тұрғындарға, әсіресе жастарға АИТВ-ның алдын алу шаралары туралы еске салу мүмкіндігі болып табылады. Биылғы жылдың 10 айды қорытындысы бойынша 82% жағдайда АИТВ - инфекциясы жыныстық жолмен, оның ішінде 60% - кездейсоқ жыныстық қатынас нәтижесінде болған», - деп атап өтті ұйымдастыру-әдістемелік бөлімінің меңгерушісі Ж.Айтмағанбетқызы.
Бұл іс-шара жастардың хабардарлық деңгейін, толеранттылықты арттыруға және АИТВ-мен өмір сүретін адамдарға қатысты стигма мен кемсітушілікті жоюға бағытталған.
