Тренингтің мақсаты - АИТВ-ға жедел тестілеу мәселелері бойынша АИТВ орталығының жұмыскерлеріне АИТВ-ға жедел тестілеу бойынша білімі мен дағдыларды кейіннен медициналық және үкіметтік емес ұйымдардың жұмыскерлеріне беру үшін, сондай-ақ осы мәселе бойынша МҰ және ҮЕҰ тұрақты әдістемелік сүйемелдеу және мониторинг жүргізу мақсатында консультациялық-әдістемелік көмек көрсету.

    Диагностикалық зертхана меңгерушісі С.Б. Айтмағамбетова экспресс-тесттерді пайдалана отырып, биоматериалды алу, тестілеу жүргізу және АИТВ-инфекциясына нәтижелерді түсіндіру қағидалары бойынша түсініктемелер жүргізді.

Жұмыс орнын дайындау, экспресс-тесттерді жүргізу кезіндегі сақтық шаралары, нәтижеге байланысты іс-қимыл алгоритмі, құжаттаманы жүргізу мәселелері талқыланды. Зертханашы Г.Б. Чайжанова семинар-тренингтің практикалық бөлімінде АИТВ-ға жедел тестілеу тәртібін, нәтижелерді есепке алу мен түсіндіруді көрсетті.

Өзін-өзі тексеру мақсатында халықтың АИТВ-статусы туралы хабардар болу деңгейін арттыруға, АИТВ-инфекциясының жаңа жағдайларын анықтауға және антиретровирустық препараттарды уақтылы тағайындауға мүмкіндік беретін сілекей сынақтарын қолдану мәселелері қозғалды.

Тренинг қорытындылаумен, сұрақтарға жауаптар алумен аяқталды.