Іс-шаралар ашық диалог форматында өтіп, оқушылардың белсенді қатысуына және өздерін қызықтырған сұрақтарын қоюына мүмкіндік берді. Мамандар АИТВ туралы, оның адам ағзасына әсері жөнінде айтып, денсаулықты сақтауда ерте диагностиканың маңыздылығын атап өтті. Сонымен қатар, бұл тақырып төңірегінде әлі де кездесетін мифтер мен стереотиптерді жоққа шығаруға ерекше көңіл бөлінді.
Оқушылар АИТВ-ның жұғу жолдары мен алдын алу шаралары туралы ақпаратты қызығушылықпен қабылдады. Мамандар вирустың тұрмыстық жолмен — қол алысу, құшақтасу немесе ортақ заттарды пайдалану арқылы жұқпайтынын түсіндірді. Мұндай түсіндіру жұмыстары оқушылардың өз денсаулығына және жеке қауіпсіздігіне жауапкершілікпен қарауына ықпал етті.
