2025 жылғы 6 ақпанда Астана қаласының АИТВ-инфекциясының алдын алу орталығында АИТВ-инфекциясы және байланысқа дейінгі профилактика мәселелері бойынша аутрич-қызметкерлердің білім деңгейін арттыру мақсатында АИТВ орталығының және «Human Heath Institute» қоғамдық қорының ЕЖЕ және СҚ-мен жұмыс істеу бойынша аутрич-қызметкерлерге арналған оқыту семинары өткізілді.

     Семинар барысында алдын алу бөлімінің меңгерушісі У.Р. Сәулебаев 2024 жылдың қорытындысы бойынша ақпаратпен сөз сөйледі, онда ағымдағы жылға арналған бірлескен басым міндеттер айқындалды. Ол атап өткендей, профилактикалық бағдарламалардың тиімділігін арттыру, барлық ХНТ өкілдерінің АИТВ – ға жедел тестілеуге қол жеткізуін қамтамасыз ету, байланысқа дейінгі профилактиканы алу жөніндегі жұмысты жандандыруды жалғастыру қажет.

  «Аутрич-жұмыс АИТВ-ның таралуын болдырмау үшін әлемде кең таралған профилактикалық қызмет екені белгілі. Басқалармен салыстырғанда, жұмыстың бұл әдісі арзан және қол жетімді болып табылады. ДДҰ мәліметтері бойынша, аутрич-бағдарламалар АИТВ-ның алдын алу бойынша қызметтердің тиімділігін арттыруға көмектеседі. Нәтижесінде, мысалы, инъекциялық есірткіні қолдану жиілігі төмендейді, презервативтерді қолдану артады, БДП бағдарламасы кеңірек қолданылады. Алайда, профилактикалық араласуды тиімді жүзеге асыру үшін аутрич қызметкерлері қажетті әртүрлі білім мен дағдыларды игеруі керек. Осы мақсатта аутрич-қызметкерлерді кадрлық іріктеу және тұрақты түрде оқыту жүргізу қажет», - деді «Human Heath Institute» басшысы А.Қапасов.

       Қатысушылар Достық кабинеттерде ЕЖЕ, СК клиенттеріне контактіге дейінгі және контактіден кейінгі профилактика, ЖЖБИ тексеру және емдеу қызметтерін ұсынуды талқылады.

      Семинар қорытындысы бойынша халықтың негізгі топтарымен өзара іс-қимылдағы кемшіліктерді жою, КЖТМБ-ға деректерді енгізу кезіндегі сапа мәселелері және т.б. мәселелер талқыланды.