1 желтоқсанда Дүниежүзілік ЖИТС-пен күрес күніне арналған іс-шаралар аясында «Сауран» сауда ойын-сауық орталығында қалалық АИТВ-инфекциясы орталығының мамандары Астана қаласының Инвестициялар және кәсіпкерлікті дамыту басқармасымен және «Human Health Institute» ҚБ-мен бірлесіп Астана тұрғындары мен қонақтары үшін акция өткізді. Іс-шара барысында қала тұрғындарына осы акцияның мақсаты түсіндірілді, АИТВ-инфекциясы және алдын алу шаралары туралы айтып, қауіпті жағдайларсыз салауатты өмір салтын ұстануға шақырды.

           Мамандар осындай акциялар халықтың хабардарлығын арттыруға және АИТВ-ның таралу проблемасына жұртшылықтың назарын аударуға қарсы жүргізіліп жатқанын атап өтті. Бүгінгі таңда тәуекелдің жетекші факторларының бірі қорғалмаған жыныстық қатынас болғандықтан, сауда орталығына келушілерге алдын-алу әдістері туралы айтылып, вирусты жұқтырудан қалай сақтануға болатындығы туралы ақпараттық брошюралар таратылды. Өзінің АИТВ статусын білуге ниет білдіргендер АИТВ-ға жедел тестілеуден өтті. Жедел тест қандағы АИТВ-ның антиденелері мен вирустық антигеннің болуын анықтайды. Ол үшін саусақтан қан алу арқылы алынатын биоматериалдың бір тамшысы мен бірнеше минут қажет. Осы уақыттың ішінде сіз өзініңіздің АИТВ статусыңызды біле аласыз. Тестілеу тегін жүргізіліп, анонимділік пен құпиялылық сақталады, - деді дәрігер эпидемиолог Ж. К. Бекетова.