Астана қаласы АИТВ-инфекциясы орталығының мамандары ҚР ДСМ 2020 жылғы 19 қазандағы № ҚР ДСМ-137/2020 «АИТВ-инфекциясының алдын алу жөніндегі іс-шараларды жүргізу қағидаларын бекіту туралы» бұйрығының негізінде халықтың негізгі топтарында АИТВ-инфекциясының таралуын зерделеу мақсатында АИТВ, мерез және С вирустық гепатитке тестілеумен биоқауіпсіздік зерттеулерін жүргізуді бастады.
Дайындық жұмыстары барысында мамандар мен аутрич қызметкерлердің назары сауалнаманы қалай жүргізуге, кеңес беру тәсілдеріне аударылды. Био-мінез-құлықты зерттеудің негізгі мақсаты халықтың негізгі топтары арасында АИТВ-инфекциясының таралуын азайту мәселесі бойынша өзара іс-қимылды нығайту, эпидемияға қарсы іс-шараларды жүргізуге жәрдемдесу, АИТВ-инфекциясының таралу үрдістерін мониторингілеу, сондай-ақ АИТВ-инфекциясына қарсы іс-қимыл жөніндегі жауаптарды бағалау және алдын алу мен емдеу жөніндегі тиімді бағдарламаларды жоспарлау болып табылады.
Көрсетілетін қызметтерді цифрландыру шеңберінде АИТВ-инфекциясы орталығында зерттеу жүргізу үшін Android операциялық жүйесінің негізінде планшеттік құрылғылар пайдаланылады, бұл зерттеудің сапасы мен жеделдігін қамтамасыз етуге мүмкіндік береді, деп атап өтті мамандар. Мәселен, халықтың негізгі топтары арасында зерттеу жүргізу кезінде алынған деректерді енгізу онлайн-режимде жүзеге асырылады және қатысушы-респонденттің жауабы планшетке жүктелген электрондық сауалнамада тіркелетін болады. Сауалнама нәтижелері e-DEN базасындағы зерттеу әкімшілеріне бірден қол жетімді болады.
Айта кету керек, зерттеу деректері нәтижесінде негізгі топтар арасында АИТВ-инфекциясының таралуына жол бермеу бойынша профилактикалық іс-шараларды жоспарлауға өзгерістер еңгізіледі.
