2024 жылғы 6-10 желтоқсан аралығында АИТВ-инфекциясының алдын алу бойынша жастардың хабардарлығын арттыру мақсатында қалалық АИТВ-инфекциясы орталығының, «Жас толқын» және «Аstana clinic» жастар денсаулық орталықтарының мамандары Л. Н.Гумилев атындағы Еуразия ұлттық университетінің және Қазтұтынуодағы жоғары колледжінің студенттерімен кездесті.

           ЖИТС-пен күрес күні және оның бүкіл әлемде АИТВ-ның таралуын тежеудегі рөлі талқыланған дәріс-семинар студенттердің қызығушылығын тудырды. Сондай-ақ АИТВ-мен өмір сүретін адамдардың стигмасына қатысты сұрақтар қойылып, талқыланды.

Жүргізіліп жатқан ақпараттық-профилактикалық жұмыстар жастардың мінез-құлқына жағымды әсер қалдырғандықтан желтоқсанның алғашқы онкүндігінде Дүниежүзілік ЖИТС-пен күрес күніне арналған іс-шаралар, атап айтқанда студенттік жастармен, еңбек ұжымдарымен және жалпы халық арасында кездесулер, дәрістер, әңгімелер мен семинарлар өткізу жалғасатын болады.      

       Студенттермен кездесу өткізген дәрігер-эпидемиолог А.И. Жаманова «Студенттердің талқылау процесіне қатысуы олардың АИТВ мәселесіне бей-жай қарамайтындығын және АИТВ инфекциясына өзін қорғауға байланысты мінез-құлық қағидаларымен таныс екендіктерін көрсетті. Бұл болашақта жастардың қауіпті жағдайлардан өздерін қорғауға көмектеседі. Студент қауымы - бұл болашақ маман иелері болғандықтан, олардың қандай да болмасын жағдайларға дайын болуы, АИТВ-мен өмір сүретін адамдарға деген қарым-қатынасы еліміздегі АИТВ жағдайын өзгертуге көмектесуі мүмкін»,- деді.