Астана қаласы АИТВ-инфекциясы орталығының мамандары ҚР ДСМ 2020 жылғы 19 қазандағы № ҚР ДСМ-137/2020 «АИТВ-инфекциясының алдын алу жөніндегі іс-шараларды жүргізу қағидаларын бекіту туралы» бұйрығының негізінде халықтың негізгі топтарында АИТВ-инфекциясының таралуын зерделеу мақсатында АИТВ, мерез және С вирустық гепатитке тестілеумен биоқауіпсіздік зерттеулерін жүргізуді бастады.
Брусиловский, 4 мекенжайы бойынша орналасқан АИТВ орталығының Достық кабинетінде тұрғындардың негізгі топтарымен жұмыс істейтін аутрич-жұмыскерлер қатысқан семинарда АИТВ-инфекциясының алдын алу шараларын өткізу мен олардың тиімділігі, сондай-ақ халықтың негізгі топтарында АИТВ-инфекциясының таралуын зерттеу бойынша дайындық жұмыстары талқыланды.
Қалалық АИТВ-инфекциясының алдын алу орталығында халықтың негізгі топтарымен жұмыс бойынша аутрич-жұмыскерлермен жұмыс кездесуі өтті. Талқылаудың негізгі тақырыбы Жанасуға дейінгі профилактиканың бағдарламасын кеңейту.
Астана қаласы ҚР АИТВ-инфекциясының алдын алу орталығы Қалалық фтизиопульмонология орталығымен бірлесіп ҚР ІІМ Қылмыстық - атқару жүйесі комитеті № 3 мекемесінің жеке құрамы мен сотталғандары арасында семинар өткізді. АИТВ-ның жұғу жолдары мен алдын алу туралы профилактикалық жұмыс бөлімінің эпидемиолог-дәрігері А.А. Идрисова баяндады.