«Жаһандық ынтымақтастық, ортақ жауапкершілік» ұранымен елордада 16-шы қарашадан 22-ші қараша аралығында ЖИТС-ке қарсы күрес күндері басталды. 2020 жылы күллі әлемге үрей туғызған CОVID-19 пандемиясы баршамызға денсаулық мәселесі басты мәселе екенін, жақынына жанашыр болуды, ынтымақтастық баршаға ортақ жауапкершілік екенін дәлелдеп берді. Сол себепті де науқан биыл «Жаһандық ынтымақтастық, ортақ жауапкершілік» деген тақырыппен ел назарын аударуды жөн көрген.
2020 жылғы 13 қарашада Дүниежүзілік ЖИТС-ке қарсы күрес науқаны шеңберінде «Орда FМ» республикалық радиосында Нұр-Сұлтан қаласының ЖИТС-тың алдын алу және оған қарсы күрес жөніндегі орталығының директоры Сабит Бекмағанбетұлы Абдраимов және Олимпиада чемпионы, ЮНЕЙДС-тің Қазақстандағы «Спорт АИТВ-ға қарсы» арнайы елшісі Бақтияр Артаевтың қатысуымен тікелей эфир өтті.
2020 жылғы 14 қазанда Нұр-Сұлтан қаласының әкімдігі «Жоғары медициналық колледж» ШЖҚ МКК конференц-залында бірінші курс студенттері үшін, АИТВ жұқпасы мен нашақорлықтың алдын алу мәселелері бойынша ZOOM платформасы арқылы онлайн семинар өтті.
2020 жылдың 5 қазанынан бастап Нұр-Сұлтан қаласының көшелерінде АИТВ-инфекциясы мәселелері бойынша жаңартылған билбордтар орнатылды.
- Вы здесь:
-
Главная
- Главная страница (2)
