Ата-аналарға АИТВ-инфекциясының алдын алу туралы
2024 жылғы 10 желтоқсанда Астана қаласы Қоғамдық денсаулық сақтау, Білім басқармалары мен Полиция департаменті арасындағы үшжақты іс-шаралар жоспарын іске асыру шеңберінде, қалалық АИТВ-инфекциясының алдын алу орталығының мамандары дәрігер-эпидемиолог А.А. Идрисова, дәрігер-психотерапевт А.К.Ережеп «Алматы» ауданы Полиция басқармасының қызметкерлерімен бірлесіп - полиция майоры, тергеу бөлімінің аға тергеушісі Д. С. Қарабаева мен тәрбие және кадр жұмысы бөлімінің инспекторы, полиция лейтенанты Д. Д. Бекенов, № 22 мектеп-гимназиясында ата-аналармен кездесу өткізді. Іс-шара ата-аналарды тәрбие және білім беру процессіне тартуға бағытталған. Кездесуде әрбір отбасы үшін жасөспірімдер қылмысының, нашақорлықтың, жыныстық жолмен берілетін инфекциялардың және АИТВ-инфекциясының алдын алу сияқты маңызды тақырыптар қарастырылды.
Жоғары және орта оқу орындарының студенттерімен кездесу
2024 жылғы 6-10 желтоқсан аралығында АИТВ-инфекциясының алдын алу бойынша жастардың хабардарлығын арттыру мақсатында қалалық АИТВ-инфекциясы орталығының, «Жас толқын» және «Аstana clinic» жастар денсаулық орталықтарының мамандары Л. Н.Гумилев атындағы Еуразия ұлттық университетінің және Қазтұтынуодағы жоғары колледжінің студенттерімен кездесті.
Астана қаласындағы АМСК медицина қызметкерлеріне арналған қалалық семинар-тренинг
2024 жылғы 6 желтоқсанда «Қазақстан Республикасында АИТВ-инфекциясының алдын алу жөніндегі 2023-2026 жылдарға арналған шараларды іске асыру туралы» Жол картасын іске асыру шеңберінде АИТВ-инфекциясының алдын алу орталығында «АИТВ-инфекциясы: профилактика, диагностика, емдеу. АИТВ-инфекциясы кезінде медициналық көмекті ұйымдастыру принциптері, АИТВ-мен байланысты аурулары бар пациенттерді жүргізу. ХНТ мен АӨСА стигмасы мен кемсітушілік мәселелері». Семинарға емханалар терапевттері, ЖТД, акушер-гинекологтары және психологтары қатысты. Семинар-тренинг бағдарламасында АИТВ-ға тексеруге клиникалық және эпидемиологиялық көрсеткіштер, АИТВ-инфекциясы мен қосымша аурулар клиникасы мен емі, Қазақстан Республикасының заңнамасында көзделген АИТВ-ның құқықтық және әлеуметтік кепілдіктер мәселелері қаралды.
Астанада Дүниежүзілік ЖИТС-пен күрес күніне арналған іс-шаралар аяқталды
2024 жылдың 1 қарашасы мен 1 желтоқсаны аралығында Астана қаласында ЮНЕЙДС жариялаған «Дұрыс жолды – адам құқықтарының жолын таңда» ұранымен Дүниежүзілік ЖИТС-ке қарсы күрес күніне орайластырылған іс-шаралар өтті.
Іс-шара Қоғамдық денсаулық сақтау басқармасының, Инвестициялар және кәсіпкерлікті дамыту басқармасының, Астана қаласының Дене шынықтыру және спорт басқармасының, «Астана» медицина университеті КеАҚ, С.Сейфуллин атындағы Қазақ агротехникалық университетінің, «Жизнь вопреки», «Шаг будущее» және «Human Health Institute» үкіметтік емес ұйымдарының қолдауымен өткізілді.
Астана қаласындағы кең ауқымды акция
2024 жылғы 5 желтоқсанда Астана қаласының Қоғамдық денсаулық сақтау басқармасы мен АИТВ-инфекциясының алдын алу орталығы елорда тұрғындары мен қонақтары үшін Дүниежүзілік ЖИТС-ке қарсы күрес науқаны аясында «Хан Шатыр» сауда-ойын-сауық орталығында «Шаг будущее», «Жизнь вопреки», «Human Health Institute» үкіметтік емес ұйымдардың, «Астана» медицина университеті, ЖОО, колледж студенттері, Астана қаласының жалпы білім беретін мектептерінің жоғары сынып оқушыларының қатысуымен «Дұрыс жолды – адам құқықтарының жолын таңда» ұранымен акциясын өткізді.
- Вы здесь:
-
Главная
- Uncategorised
